prem kavita in hindi | roman English | 2020

here you can read beautiful prem Kavita in Hindi | roman English | 2020. this new prem Kavita in Hindi is most beautiful for your loving person. you can share this all the prem Kavita with your love. 

prem Kavita in Hindi | roman English | 2020  

prem kavita in hindi | roman English | 2020

kaash main tumhe apane git Suna paata

kaash mai tumhe apane git suna paata,

kaash mai teri baanhon me aa paata,

kaash mai tere honthon se nikali har baat ban jaata,

kaash mai teri aankhon se gujari har raat ban jaata,

kaash mai tere dil me tere dhadakan ki tarah rahata,

kaash mai teri yaadon me tere saajan ki tarah rahata,

kaash mai teri har jarurat ki tarah hota,

kaash mai tere aaine me teri surat ki tarah hota,

kaash mai tere keshon me lage gulaab ki tarah hota,

kaash mai tere nindon me aaye khvaab ki tarah hota,

par ye ho na saka aur tu mujhase juda ho gaya,

aur mere giton me vafa ki jagah bevapha ho gaya..

prem Kavita in Hindi 

par ab sochata hun.............

kaash ke mere giton me phir tu samaan jaaye,

kaash ke aavaaz dun tujhako aur tu aaye,

mile kuchh is tarah ke phir na juda ho,

aur mere giton me vafa ki jagah vafa ho,

vafa ho , vafa ho..........................

❤❤❤
pine pilaane ke sab hain bahaane

kahaan  ki  muhabbat  kahaan  ke  fasaane


pine  pilaane  ke  sab  hain  bahaane


khushi  mein   bhi   pi  hai


tu  gam  mein  bhi  pi  hai


hain  masti  bhare  ye  maikhaane  ke  paimaane 




...pine  pilaane  ke  sab  hain  bahaane


satae  na  hamako  kabhi  yaad  i  maaji


chalo  bhul  jaen  vo  guzare  zamaane


pine  pilaane  ke  sab  hain  bahaane


chalo  ab  tu  gumanaam  es  maikhaane  se


tumhen  daphan  karane  hain  sab  gam  puraane


pine  pilaane  ke  sab  hain  bahaane ..

prem Kavita in Hindi 


sab  hain  bahaane
❤❤❤
kyun dhundhata us khvaab ko

kyun dhundhata us khvaab ko,ke kaun jaane kidhar gaya,
jo saath hai use paas rakh jo guzar gaya so guzar gaya,
apana samajh jise khush hua ahasaas samajh kar bhul ja,
bas nasha tha thoda pyaar ka subah hui to utar gaya,
... us shakhs ka bhi kya kasur tha jo paas hokar bhi dur tha,
ye to zamaane ka dastur hai vo bhi jamaane sang badal gaya,
na rakhana dil me yaadon ko aankhon ko na rone dena,
jhonka tha ek hava ka,aaya aur chhu ke nikal gaya....
❤❤❤
udaan
manjile unhen hi milati hai jinake sapano mein jaan hoti hai
pankhon se kuchh nahi hota, hausalon se udan hoti hai

manjil to mil hi jaegi bhatak kar hi sahi
gumaraah to vo hai jo ghar se nikale hi nahin .....
❤❤❤

prem kavita in hindi | roman English | 2020

andaaz tumhaare jaisa tha
baarish ki tarah bundon ne jab

dastak di daravaaje par

mahasus  hua tum aaye ho...

andaaz tumhaare jaisa tha



hava ke halake jhoke ne jab

aahaat ki khidaki par

mahasus  hua  tum  chalate ho ...

andaaz tumhaare jaisa tha

prem Kavita in Hindi 


mainne bundon ko apane haath pe tapakaaya to

ek sard sa kyon ehasaas hua....

ki laphz tumhaare jaisa tha



main tanaha chala jab baarish mai

ek jhoke ne mera saath diya

mai samajha tum ho saath mere

ehasaas tumhaare jaisa tha


prem Kavita in Hindi 


phir ruk gai vo baarish bhi

aur rahi na baaki aahaat bhi

mai samajha mujhe tum chhod gai...

andaaz tumhaare jaisa tha.




Barish ki Tarah bundon ne jab

dastak di daravaaje par

mahasus Hua Tum Aaye ho...

andaaz tumhaare jaisa tha.!!!!!

❤❤❤
ek kavita har maa ke naam

ghutanon se rengate -rengate
 kab pairo par khada hua,
 teri mamata ki chhaanv mein,
 jaane kab bada hua,
 kala tika dudh malai,
 aaj bhi sab kuchh vaisa hi hai,
 mai hi mai hun har jagah,
 pyaar ye tera kissa hai,
 sidha-saadha, bhola-bhaala,
 mai hi sabase achchha hun,
 kitana bhi ho jau bada ,
 "maan !" mai aaj bhi tera bachcha hun
❤❤❤
kuchh chhote sapano ke badale , badi nind ka sauda karane ,
nikal pade hain paanv abhaage ,jaane kaun dagar thaharenge !

vahi pyaas ke anagadh moti ,vahi dhup ki surkh kahaani ,
vahi aankh mein ghutakar marati ,aansu ki khuddaar javaani ,
... har mohare ki muk vivashata ,chausar ke khaane kya jaane
haar jit tay karati hai ve , aaj kaun se ghar thaharenge....!
nikal pade hain paanv abhaage ,jaane kaun dagar thaharenge !

kuchh palakon mein band chaandani ,kuchh hothon mein kaid taraane ,
manjil ke gumanaam bharose ,sapano ke laachaar bahaane ,
jinaki jid ke aage suraj, morapankh se chhaaya maange ,
un ke bhi durdamy iraade , vina ke svar par thaharenge .
nikal pade hain paanv abhaage ,jaane kaun dagar thaharenge .....!!
❤❤❤
ab weekend par bhi nahaane laga hun !!!
kahaan thi kami, aur kahaan tha vaqt, tere aane se pahale
tere chakkar mein ai jaan-ai-jaana, ab kaam se vaqt churaane laga hun …

ye kaisa sitam kaaphir tera mere mobail par
kahi bujh na jaaye ye chiraag, ab chaarjar bhi saath lekar aane laga hun


aani hai divaali aur dil saphai shuru huyi
mere dil ki chali na jaaye batti, tujhe dil mein jalaane laga hun


tere badan se jo khushabu mahake aur shama rangin ho
kuchh to bhala kiya tune sanam,ab diodorent ke paise bachaane laga hun


teri baato se phursat kaha aur teri yaado se vaqt
ji bhar ke dekhu tujhe,isalie ab vikend par bhi nahaane laga hun


ab na kahana ke bahut amiri hai tere milane mein
yahaan lut chuka hun main , bas kadi koshish se garibi chhupaane laga hu


meri kavita itani pharji bhi hogi,socha na tha
dekh teri mohabbat mein main,kya kya kya krep gaane laga hun
❤❤❤

prem kavita in hindi | roman English | 2020

aaj phir ek kavita tere naam kar dun

jab se aaye ho jindagi mein mere


chaman ko bahaaro ka matalab yaad aaya


dil kahe, jivan ki ye bagiya tere naam kar dun


le, aaj phir ek kavita tere naam kar dun


prem Kavita in Hindi 


puchhe hai pagali, yaad karate ho mujhe


kaise kahu, har shab-o-sahar teri yaad mein dube hai


har vaqt jo dil dhadake hai teri khaatir, usaki har shaam tere naam kar dun


le, aaj phir ek kavita tere naam kar dun




har subah ka aagaaz tumhi se


har shaam tere naam se dhale


har jaam se pahale kahu ‘bismillaah’,har vo jaam tere naam kar dun


le, aaj phir ek kavita tere naam kar dun




vo roye hai to barase hai baadal idhar bhi


hanse hai to khile hai phul idhar bhi


teri har muskaraahat par,ye meri jaan tere naam kar dun


le, aaj phir ek kavita tere naam kar dun
❤❤❤
har khushi hai logon ke daaman mein

har khushi hai logon ke daaman mein ,
par ek hansi ke lie vaqt nahin .
din raat daudati duniya mein ,
zindagi ke lie hi vaqt nahin .
maan ki lori ka ehasaas to hai ,
par maan ko maan kahane ka vaqt nahin .
saare rishton ko to ham maar chuke ,
ab unhen dafanaane ka bhi vaqt nahin .
saare naam mobail mein hain ,
par dosti ke lae vaqt nahin .
gairon ki kya baat karen ,
jab apanon ke lie hi vaqt nahin .
aankhon mein hai nind badi ,
par sone ka vaqt nahin .
dil hai ghamon se bhara hua ,
par rone ka bhi vaqt nahin .
paison ki daud mein aise daude ,
ki thakane ka bhi vaqt nahin .
paraaye ehasaason ki kya kadr karen ,
jab apane sapano ke lie hi vaqt nahin .
tu hi bata i zindagi ,
is zindagi ka kya hoga ,
ki har pal marane vaalon ko ,
jine ke lie bhi vaqt nahin ………
❤❤❤
dil ke zajbaaton ko hontho pe thikaana na mila
dil ke zajbaaton ko hontho pe thikaana na mila,


har nae zakhmon ke bich muskuraane ka bahaana na mila,


mere hi shahar ke har shakhs se mila mai ajanabi ki tarah,


aaj doston ki mahafil me bhi mujhe koi dost puraana na mila,


hansate usake chehare ko mai bhulaata to bhulaata kaise,


gam ki to lakiren bhi nahin phir unhen haanthon se mitaata kaise,


kitana dhundha dar dar ja ke par kanhi vo zamaana na mila,


aaj doston ki mahafil me bhi mujhe koi dost puraana na mila,


tanhai ko mera haath thama ke tu apani manjil ko chala gaya,


mohabbat me khona kise kahate hain chalo itana to sikha gaya,


jis jaam me na dikhe tera chehara mayakhaane me vo paimaana na mila,


aaj doston ki mahafil me bhi mujhe koi dost puraana na mila…..
❤❤❤
woh bachapan ki yaaden aaj bhi tanhai me khojata hun mai
woh bachapan ki yaaden aaj bhi tanhai me khojata hun mai

gum ho jaata hun khud me jab usake baare me sochata hun mai

nae saal pe doston ke saath kya pikanik khub manai thi

chhote parade pe badi filmi dekh ke jalebiyaan khub khai thi

kriket khelane ki to har pal hoti hamaari taiyaari thi

kitane dande khae paapa chaacha se uf phir bhi kya bekaraari thi

doston ki mandali nikalati thi saath saath har holi me

subah pichakaariyon me rang hota shaam gulaal bhara hota jholi me

dashahare ki to baat juda thi vo mela kitana pyaara tha

mandir ke pichhe chor sipaahi,luka-chhupi uf vo vaqt hamaara tha

divaali ke pataakhe dekhakar khushiyon me par lag jaate the

kar ke pareshaan mohalle me sabako yanha vanha pataakhe bahut jalaate the

bita bachapan guzara jamaana ab yaadon mein khush ho lene do

na jaane kyun dil hai mera ji bhar ke aaj mujhe ro lene do...
❤❤❤
                      top 50+ image Shayari in Hindi
                      top 25 sad love quotes in Hindi

Post a Comment

0 Comments